តើការបង្កកំណើតប្រព្រឹត្តិទៅយ៉ាងដូចម្តេច?
ការបង្កកំណើតប្រព្រឹត្តិទៅបានដោយសារតែមានការចូលរួមរវាងស្ត្រី និង បុរសតាមរយៈការរួមភេទ។ នៅក្នុងពេលរួមភេទ មេជិវិតឈ្មោលរាប់លានហែលតាមទ្វារមាស ឆ្លងកាត់ មាត់ស្បូន តួស្បូន ហើយឆ្ពោះទៅកាន់ដៃស្បូន។ ប្រហែល ពីរសប្តាហ៏មុនពេលមក ឈាមរដូវមេជិវិតញីទុំមួយ បានខ្ជាក់ចេញមកក្រៅហើយធ្វើដំណើរតាមដៃស្បូនឆ្ពោះទៅតួស្បូន។ បន្ទាប់មកមេជិវិតឈ្មោលមួយបានជួប ជាមួយមេជិវិតញីមួយនៅក្នុងដៃស្បូន ហើយក៏រលាយចូលគ្នាបានជាពងបង្កកំណើត។ ហើយពងបង្កកំណើតធ្វើដំណើរតាមដៃស្បូនឆ្ពោះ ទៅតួស្បូន។ ពងបង្កកំណើតតោងភ្ជាប់និងស្រទាប់ស្តើងខាងក្នុងនៃតួស្បូន ហើយបន្តលូតលាស់ដល់រយៈពេល ៩ខែ ១០ថ្ងៃ ហៅថា ការមានផ្ទៃពោះ ។ តែការរួមភេទខ្លះមិនអាចបង្កកំណើតបានទេ ទាំងមនុស្សប្រុស មនុស្សស្រីអាចមានភាពអារ ឬភាពមានកូនក្នុង កម្រិតទាប ភាពអារមានបុព្វហេតុជាច្រើនរាប់បញ្ចូលទាំង ជំងឺកាមរោគ ជាតិពុលក្នុងបរិស្ថាន កត្តាហ្សែន ឬសុខភាពរាងកាយជាដើម។
ការចង់បានកូនជាសិទ្ធិរបស់មនុស្សគ្រប់រូបប៉ុន្តែដើម្បីឱ្យការប្រព្រឹត្តិកំណើតទៅបានល្អយុវវ័យគ្រប់រូបត្រូវស្វែយល់ពីពត៍មានដែលទាក់ទងនឹងចំនេះដឹងនៃការបន្តពូជ និងត្រូវមានផែនការច្បាស់លាស់ក្នុងការបន្តពូជ ជៀសវាងការមានកូនដោយមិនបានព្រៀងទុក តែប្រសិន បើមានផ្ទៃពោះត្រូវតែធ្វើការតាមដានឱ្យបានយ៉ាងតិច៤ដងក្នុងកំឡុងពេលពរពោះនៅមណ្ឌលសុខភាព ឬគ្លីនិកអង្គការរ៉ាក់៕
0 comments:
Post a Comment